Амьдрах Хүслэн

манайхан бүгдээрээ сайн байцгаана уу?

Өнгөрсөн ч гэсэн Зэвсэгт хүчний баярын мэндийг Инээдмийн баярын мэндтэй хамтатган дэвшүүлье.

Мартын 8-наас хойш блог маань ер болохгүй байлаа. нүүр хуудас нь гарч ирж байгаа мөртлөө нэр, нууц угээ хийхээр л орохоо больчихсон байсан. админ блогийг минь анхааралдаа авч засаж өгнө үү.

энэ хооронд их олон юм болсоон. миний өөлкөн дүүгийн бие сайн байгаа. хичээлдээ явж байгаа. харин энэ улсад ажил олж хийх гэдэг их хэцүү болсон. дэлхий даяр дэгдсэн энэ их хямралын үр дүнд бид 2 гэрийнхээ нэтийг таслуулаад саяхан холбуулсан. аргагүй л дээ, төлбөрийг нь 5 сар төлөөгуй байсан болхоор. хэхэ. төлбөрөө төлж ашгүй нэг интэрнэттэй болов.

бас бидэн 2 нь энэ хугацаанд даатгал олж авах гээд л нэлээд судаллаа. мөн мэдэж авсан зүйлсээ Солонгост амьдардаг, эмчлүүлж байгаа  хүмүүст хэрэгтэй болов уу гээд доор орууллаа.

1. Солонгос улсын даатгалын систэм нь 2 янз юм байна.
- ажлын газрын даатгал. энэ нь албан газар 50%, хувь хун 50%-ийг төлдөг.
-  орон нутгийн даатгал. энэ нь хувь хүн өөрөө 100% төлдөг.
хэрэв даатгал олоод авчихвал дүүгийн маань өвчний онош нь даатгал дээрээс хөнгөлөлт эдлэдэг өвчний тоонд ордог юм байна. даанч нөгөө л визаны ангилалаас болоод даатгал авах аргагүй болсон.

2. даатгалын тухай хөөцөлдөж явсаар бид 2 Үжинбү гэдэг газрын Гадаад ажилчдын төвд очсон. энэ төв нь визагүй, хууль бусаар амьдардаг хүмүүст туслах зорилготой газар юм байна. ийм хүмүүс сарын 6000 вон төлөөд  эмнэлэгийн даатгал авах боломжтой болсон байна. гэтэл бид 2-ыг визатай, хууль ёсны орчин суугч учраас энэ даатгалд хамрагдах боломжгүй гэсэн. гэхдээ бид 2-ийн түүхийг сонсоод энэ газраас бэбигийн нэг сарын эмийг үнэгүй өгсөн. энэ газар нь метроны 1-р шугамын Нүг-ян буудал дээр байдаг юм байна лээ.

өмнө нь дүү маань хагалгаанд орох болсон тухай бичиж байсан. гэвч тэр хагалгаандаа орж чадаагүй л байгаа. энэ их хямралын үеэр хагалгааныхаа мөнгийг цуглуулж чадахгүй л байна. сар бүр авдаг эмний маань үнэ ч бас бага багаар нэмэгдсээр л байна. өдөр бүр залбирч байгаа болхоор бурхан сонссон байхаа, дүүгийн шүлсний булчирхай нь азаар нэмж томрохгүй байгаа.

өнөөдөр нэтээс Солонгосын Сөүлийн их сургуулийн хуухдийн эмнэлэгт эмчлүүлж байгаа Үлэмжбилгүүн хүүгийн тухай уншаад бид 2 эмнэлэг дээр нь очив. урд нь 4 сар эмнэлэгт хэвтсэн туршлагаасаа ч жаахан ярьж өгөв. Үлэмжбилгүүн хүүгийн бие одоогоор их ядруу байх шиг байсан. ээж, аав 2 нь сахиж байсан. анх бид 2 ирчихээд ямар хэцүү байдалтай байсан билээ, тэд бас л бидэн шиг хэцүү байна. сэтгэл их өвдлөө. маргааш бас нэг хагалгаанд орох ёстой гэсэн. ийм үед хүнд сэтгэлийн тэнхээ, өөдрөг бодол шиг хэрэгтэй зүйл байдаггүй учраас бидэн 2 нь бүх л чадах зүйлсээрээ тусланаа. хөөрхөн дүү минь чи заавал эдгэрнэ.

сүүлийн үеийн сонин гэвэл иймэрхүү байна. та бүхэн Үлэмжбилгүүн хүүгийн тухай http://sarnaiha.blog.banjig.net/post.php?post_id=164150 эндээс илүү дэлгэрэнгүй уншаарай. энэ хүүгийн амьдрах хүслийг нь бурхан заавал биелүүлэх болтугай.